गरिबांच्या झोपडीमध्ये,
मध्यमवर्गीयांच्या घरामध्ये
श्रीमंतांच्या फ्लॅटमध्ये
अब्जोवधींच्या रो हाऊसेस,बंगलो मध्ये
हे स्वातंत्र्या, हर्षोल्हासात स्वागत आहे तुझं.
सुरक्षेच्या नावाखाली इथं
स्वातंत्र्य हिसकावून घेतल्या जातंय
आरोग्य संवर्धनाची भाषा करून
आर्थिक व मानसिक आरोग्य
बिघडवल्या जातंय.
या स्थितीतही हे स्वातंत्र्या तुझं आम्ही
हर्षोल्हासात स्वागत करतोय.
हे स्वातंत्र्या,
आमच्याही डोक्यात स्वातंत्र्य घुसेल का
स्वैराचार नव्हे हि भाषा ठीक आहे.
पण स्वातंत्र्य म्हणजे काय हे
आम्हाला कधी कळेल का ?
सत्ताधाऱ्यांमार्फत पिळवणूक होणे
हे कसे अयोग्य आहे.
हे त्यांनाही कधी कळेल का?
हे स्वातंत्र्या,
राजकीय स्वातंत्र्याचा सोहळा
आज आम्ही साजरा करत असताना
कळलेच नाही कधी राजकीय गुलाम बनून गेलो,
निसर्गनियमांविरुद्ध वागून
राजकीयांमुळे पुन्हा पारतंत्र्यात गेलो.
हे स्वातंत्र्या !
कोरोनाच्या नावाखाली लॉकडाऊन
आणि क्वारंटाईन मुळे
जगण्याचा हक्क हिरावल्या गेला
कैद्याला बंदिस्त केल्यासारखं
प्रत्येक नागरिक घरात डांबल्या गेला.
हे स्वातंत्र्या !
कारखानदारी व ईतर कामे बंद करून
उत्पन्नाच्या साधनांवर आमच्या बसवला लगाम
हे स्वातंत्र्या आताही आहोतच रे
आम्ही आमच्या राजकीयांचे गुलाम.
हे स्वातंत्र्या !
हे स्वातंत्र्य मुबारक हो
तू या देशातील त्या सर्व नागरिकांना
ज्यांच्याकडे अर्थ नसतो
स्वातंत्र्य व पारतंत्र्याला....
✍️© जी.संदीप (गोणार,नांदेड)
९५५२८०३९८०
